نوائے وقت انتظامیہ اوچھے ہتھکنڈوں سے باز رہے, تھانے میں رپورٹ درج کروانے کی شدید مذمت, صحافتی تنظیموں کا متاثرین کے ساتھ اظہار یکجہتی

پیر کو لاہور پریس کلب میں ہونے والا احتجاجی مظاہرہ انتہائی کامیاب رہا, نوائے وقت متاثرین کی ایکشن کمیٹی کی چیئرپرسن فرزانہ چوہدری صاحبہ کی قیادت میں احتجاج کا آغاز ہوا ، احتجاج میں تمام صحافتی تنظیموں کے قائدین اور اہم ارکان نے شرکت کی , چیئرمین جرنلسٹ گروپ اور لاہور پریس کلب کے سابق صدر ارشد انصاری. فیڈرل یونین آف جرنلسٹ کے فناس سیکرٹری ذوالفقار مہتو, صدر پنجاب یونین آف جرنلسٹ ابراہیم لکی, پی یو جے کے سابق صدر بخت گیر چوہدری,  , سیکرٹری پنجاب یونین آف جرنلسٹ خاور بیگ, سابق صدر پنجاب یونین آف جرنلسٹ قمر الزمان بھٹی, سابق نائب صدر لاہور پریس کلب جاوید فاروقی, جرنلسٹ رہنماحامد نواز, صدر فوٹو جرنلسٹ ایسوسی ایشن پرویز الطاف, صدر پنجاب اسمبلی پریس گیلری افضال , طالب, صدر لاہورپریس کلب اعظم چوہدری, سیکرٹری پریس کلب عبد المجید ساجد, سیئیر صحافی دین محمد دردشرکت کی اور نوائے وقت متاثرین گروپ لاہور کے ارکان کے ساتھ نہ صرف اظہار یکجہتی کیا بلکہ انہیں ہر قدم پر بھرپور ساتھ کی یقین دہانی کرائی اس موقع پر تمام قائدین نے نوائے وقت انتظامیہ کی جانب سے فرزانہ چوہدری صاحبہ،ریاض بھٹی صاحب اور ندیم صدیقی صاحب کیخلاف تھانے میں رپورٹ درج کروانے کی شدید مذمت کرتے ہوتے نوائے وقت انتظامیہ کو آئندہ ایسے اوچھے ہتھکنڈوں سے  باز رہنے کےلئے کہا ۔قائدین نے حکومت وقت  سے آ ئی ٹی این ای کے چیئرمین کی فوری تقرری کا مطالبہ بھی کیا۔