متاثرین نوائے وقت کااحتجاجی جلوس نوائے وقت آفس سے مجید نظامی کے گھر تک بروز جمعتہ الوداع
متاثرین نوائےوقت کا پرامن احتجاجی جلوس نوائے وقت آفس سے نعرے بازی کرتا ہوامسجد ابراہیم میسن روڈ جائے گا ۔جمعہ کی نماز کی ادائیگی کے بعد نمازیوں کو نوائے وقت کے بارے میں پمفلٹ تقسیم کیے جائیں گے۔ نوائے وقت کے خلاف بینرز آویزاں کیے جائیں گے۔پمفلٹ تقسیم کرنے کے بعد احتجاجی جلوس میڈم رمیضہ کے گھر کی طرف جائے گا۔ صحافیوں کے رہنما تقاریر کریں گے۔اور نوائے وقت انتظامیہ کی متاثرین نوائے وقت پر ظلم ، فراڈ اور دھوکے کے معاملات اہل علاقہ پر عیاں کریں گے۔اس کے بعدآئندہ کی نئی حکمت عملی پر میٹنگ کے بعد احتجاج اختتام پذیر ہوگا۔
متاثرین نوائے وقت عید کی خوشیوں سے تاحال محروم-متاثرین نوائے وقت گزشتہ تین برسوں سے اپنے قانونی کروڑوں روپے کے واجبات سے تاحال محروم ہیں، گزشتہ سال کی طرح رواں رمضان المبارک میں بھی متاثرین کے اہل خانہ انتہائی تنگدستی و عربت کی لکیر کے نیچے زندگی گزارنے پر مجبور ہیں جو صحافتی تنظیموں کیلئے لمحہ فکریہ ہے.
واجبات کی عدم ادائیگی کے باعث گزشتہ عیدین کی طرح اس عید الفطر پر بھی متاثرین نوائے وقت کے اہل وعیال بیروزگاری اوردرپیش معاشی مسائل کے سبب عید کی خوشیوں سے محروم رہیں گے. ملک بھر کے متاثرین مین سے کی افراد اپنے واجبات کی جنگ لڑتے لڑتے خالق حقیقی سے جا ملے ہین
متاثرین نوائے وقت کے اہل خانہ کو مذہبی تہوار کی خوشیوں سے محروم رکھنا حکومت، میڈیا مالکان بالخصوص میڈم رمیزہ مجید نظامی صاحبہ، صحافتی تنظیموں اور دیگر ارباب اختیار کیلئے لمحہ فکریہ ہے، مذہبی تہوار پر بھی متاثرین نوائے وقت کو ان کے کروڑوں روپے کے واجبات کی عدم ادائیگی رب کے قہر کو دعوت دینے اور مجاہدین صحافت مجید نظامی مرحوم، حمید نظامی مرحوم کی روحوں کو تڑپانے کے مترادف ہے.
ملک بھر کے صحافتی حلقے اور صحافتی تاریخ گواہ ہے کہ نوائے وقت گروپ واحد ادارہ تھا جو ہر ماہ کی پہلی تاریخ کو ملازمین کی تنخواہیں ادا کرتا تھا لیکن اب میڈم رمیزہ صاحبہ کی زیر قیادت یہ ادارہ نظامی برادران کی روشن روایات کو تارتار کر کے ملازمین پر ظلم کے پہاڑ توڑ رہا ہے.
اے پی این ایس،سی پی این ای، پریس کلب اور تمام صحافتی تنظیموں اور سیاسی و مذہبی جما عتو ن سے اپیل ہے کہ خدا را عید الفطر کے مذہبی تہوار پر متاثرین نوائے وقت کے واجبات کی ادائیگیاں کرانے کیلئے عملی اقدامات اٹھائیں تاکہ متاثرین کے اہل خانہ مذہبی تہوار عیدالفطر کی خوشیاں منا سکیں.
@MaryamNSharif
@CMShehbaz
@ImranKhanPTI
@ArifAlvi
@OfficialDGISPR
@CMShehbaz
@ImranKhanPTI
@ArifAlvi
@OfficialDGISPR
@Nawaiwaqt
No comments:
Post a Comment